Mart ayının 15-də "Hilton" oteldə
Əmlak Məsələləri Dövlət Komitəsi tərəfindən Dünya Bankının dəstəyi ilə
həyata keçirilən Daşınmaz Əmlakın Qeydiyyatı Layihəsi çərçivəsində
yaradılacaq Elektron Qeydiyyat İnformasiya Sisteminin təqdimatı
keçirilmişdir. Tədbirdə şirkətin direktoru İlham Namazov qeyd etmişdir ki,
yaxın zamanlarda daşınmaz əmlakın qeydiyyatı sahəsində vətəndaşlara, fiziki
və hüquqi şəxslərə beynəlxalq standartlara uyğun elektron xidmətlərin
göstərilməsinə imkan verəcək sistem yaradılacaqdır. Daşınmaz əmlakın
qeydiyyatı sahəsində "bir pəncərə" prinsipinin tətbiqi əhalinin rahatlığına,
qeydiyyat prosedurların sadələşdirilməsinə və bu sahədə şəffaflığın təmin
olunmasına imkan verəcəkdir.
